香港潮人盂蘭勝會
主頁 | 網絡連接 | 聯絡我們
|
小故事
1.潮州公和堂盂蘭勝會的發展歷史:
訪談日期:2012年7月31日(星期二)
訪談地點:北角寶馬山慧翠道10號樹仁大學當代中國研究中心 (圖書館大樓7樓)
訪談時間:09:50-11:55
訪問者:陳蒨教授(訪問者)
受訪者:鄭翔奮副理事長(傳承人代表)
受訪組織:潮州公和堂聯誼會

受訪者:呀……而家我講。佢依個位置應該係Park Lane,Park Lane,嗰個Park Lane酒店。
訪問者:係。
受訪者:嗰個地址。
訪問者:哦……跟住後尾就搬咗去糖街?糖街啫係……
受訪者:唔係搬咗去糖街,佢入面,因為佢係鬼佬嚟架。嗰陣時佢哋有啲鬼佬咩鬼嘢成日嚟巡呀,點解你哋係度拜神呀咁樣,諸如此類。就唔得喎咁樣,咁但佢哋又……我老豆老母佢過咗身,我要紀念佢我要拜祭佢,啫係潮州人有呢啲咁嘅嘢,要……
訪問者:係Park Lane……
受訪者:呀呀……啫係佢貨倉入面,係某……整張枱整個位。
訪問者:哦……最早係貨倉入面整張枱……
受訪者:跟住就出返嚟,係糖街…糖街呀…糖街有人見到啦,點解你哋咁樣……哦,我哋又想參加個超渡,先人……拜祭先人。啫係……啫係落咗香港無山墳拜,咁佢或者死咗鄉下,咁個個…個格局。咁就變成點樣講法呢,咁樣就……就想拜祭下佢紀念佢,一點心安理得……過咗糖街之後,人多咗啦,逐漸就……初初就十個八個,跟住呢,咦,多咗有成二三十個,就有人嚟哄下啦咁樣,就入天后廟……
訪問者:啫係喺……
受訪者:而家我哋入、上嚟呢個天后廟道口
訪問者:49M嗰度…
受訪者:天后廟道口
訪問者:哦哦……
受訪者:入邊。跟住又有一段時間呢,就……人多啦!
訪問者:幾時呢……大約係幾時?
受訪者:總之就三幾年三幾年……
訪問者:三幾年,哦……
受訪者:三幾年咁樣轉化囉。跟住呢,呀,又再人多啦。又租入大坑福利會。
訪問者:咁呢個係咪一九四幾年又或者係……
受訪者:佢嗰段時間我唔清楚。
訪問者:但你未參與嘅?
受訪者:未未……
訪問者:OK,明白。
受訪者:至到……欸天后廟,同埋入去大坑福利會,我就見到啦,開始見到喇。
訪問者:大坑福利會係邊度呀?係咪遊樂會……
受訪者:中華遊樂會隔邊。
訪問者:哦,隔離……
受訪者:側邊嗰個隔離,而家就起咗新屋呀嘛,叫做陳樹渠紀念中心呀嘛。
訪問者:大坑……
受訪者:以前嗰度係一間……又係嗰啲舊嗰啲兩層屋咁高架。
訪問者:嗯嗯嗯
受訪者:咁佢哋入邊又係……初初就三日拜神,三日嗰啲…做嗰啲……折嗰啲球皮戲。
六十年代潮州公和堂盂蘭勝會的舊貌,圖中顯示的是神壇
2.書寫金漆字體金榜的方法:
訪談日期:2012年1月7日(星期一)
訪談地點:北角寶馬山慧翠道10號樹仁大學當代中國研究中心 (圖書館大樓7樓)
訪問時間:10:00-11:40
訪問者:陳蒨教授
受訪者:鄭翔奮副理事長(傳承人代表)
受訪組織:潮州公和堂聯誼會

受訪者:而家寫榜嗰個人我哋請架。
訪問者:哦、哦,我知道。係、係……
受訪者:嚇。
訪問者:你話你以前自己寫嘅就好辛苦。
受訪者:以前我收咗返嚟,我今日返嚟,我就返屋企,一定要金粉自己寫定。
訪問者:嗯。
受訪者:就嗰張嘢我就擺咗喺度。我哋要夜晚黑,我夜晚黑要咁樣做埋哩啲咁樣嘢。
訪問者:好辛苦呀,係呀。
受訪者:一定要自己寫架喎!
訪問者:係囉。
受訪者:仲要寫金粉架喎。
訪問者:係囉,而家嗰個好似唔係金粉。
受訪者:黑色墨筆架啦。
訪問者:自己磨呀金粉?磨定……
受訪者:唔係,買金油。
訪問者:哦。
受訪者:買金油就嘅、嘅,溝少少酒。咁呀令下嗰個毛頭呢,無咁硬。
訪問者:哦。
受訪者:無咁痴顏,咁呀先至寫得到。
長沙灣潮籍盂蘭勝會的金榜
3.不同族群的紙紥大士王:
訪談日期:2013年1月6日(星期日)
訪談地點:Caffe Kenon & Bistro(灣仔莊士敦道181號大有廣場2樓208-209號)
訪問時間:14:30-15:50
訪問者:陳蒨教授
受訪者:張熙明先生

受訪者:Er……本地嘅大士王呢咪一個、一個白色面,好似小丑咁樣樣……
訪問者一:嗯
訪問者:嗯,係呀。
受訪者:揸住枝筆呀寫住分衣施食呀,坐咗喺度咁樣掗喺度咁……
訪問者:係呀。
受訪者:咪一個大士王囉,哩個本地大士王。至於潮州大士王呢,就戙、戙正兩隻腳,立、立正喺度,戙一個幡咁樣寫住「喃嘸阿彌陀佛」,上面有個大、上面有個觀音,個面係藍色,叫哩個面燃大士呀嘛,哩兩邊又有火焰咁樣,嚇。
訪問者:嗯。
受訪者:哩個就Er潮州嘅大士王。
訪問者:基本上你就係見過哩兩種?
受訪者:哦,鶴佬都有……
訪問者:鶴佬係點呢?
受訪者:鶴佬就好得意嘅,鶴佬呢就似人哋嗰啲日本嗰啲鬼咁樣樣呀。
訪問者:哎,你頭先話Er……gat6(動詞:抬)起隻腳嗰個呢,嗰個咪……
受訪者:咁樣坐喺度……
訪問者:坐、坐喺度嗰個本地。
受訪者:坐喺度,純粹坐喺度嘅,係啦。
訪問者:嚇、嚇,啫三個……
受訪者:如果鶴佬呢就企喺度,單腳、單手指,揸住個塵拂咁樣樣,牙、牙有獠牙,有兩隻角咁樣樣嘅。
潮州公和堂盂蘭勝會的大士王
卅間盂蘭勝會的大士王
竹園北邨街坊盂蘭勝會的大士王